Pierce Brosnan dëshmoi edhe një herë dashurinë që ka për gruan e tij Keely Shay Smith. Aktori iu përgjigj përdoruesve të rrjetit që i ofruan gruas së tij një operacion për humbje peshe dhe komentuan për trupin e gruas së tij.
Brosnan, i cili luajti James Bondin me sukses të madh, është i martuar me gruan e tij për 21 vjet dhe në gusht ndau një postim prekës në Instagram në përvjetorin e martesës së tyre, duke shkruar: “Gëzuar ditëlindjen dashuria ime, Kili, ne kërcyem atë natë dhe ne ende kërcejmë sot. Do ta bëja sërish nga e para”.
Ky postim i veçantë mori mijëra mesazhe nga miqtë dhe fansat, të cilët e admiruan dashurinë e çiftit, por imazhet e publikuara më pas në rrjetet sociale nuk patën të njëjtën përgjigje.
Në një postim të fshirë në Facebook, i cili u bë viral, një grua ndau dy imazhe të Brosnan dhe Smith krah për krah në plazh. Njëri foto e shfaqte çiftin në vitet ’90 – kur Brosnan ishte në kulmin e famës së tij për James Bond – dhe tjetri shfaqi çiftin në ditët e sotme.
Nën postimin, qindra komente u bënë rreth asaj se sa ka ndryshuar figura e Smithit vitet e fundit, me një përdorues që sugjeroi që ajo të bënte një operacion për humbje peshe.
Brosnan mori një qëndrim ndaj këtyre trollëve të internetit duke thënë: “Miqtë i sugjeruan asaj të bënte një operacion për të ulur peshën e saj. Por unë me të vërtetë e dua çdo kthesë të trupit të saj. Ajo është femra më e bukur në sytë e mi. Dhe gjithashtu sepse ajo kishte pesë fëmijët tanë. Në të kaluarën e kam dashur vërtet për fytyrën e saj, jo vetëm për bukurinë e saj, por tani e dua edhe më shumë për faktin se është nëna e fëmijëve të mi. Dhe unë jam shumë krenare për të dhe gjithmonë kërkoj të jem i denjë për dashurinë e saj’.
Brosnan dhe Smith u takuan në vitin 1994, tre vjet pasi aktori humbi gruan e tij të parë, Cassandra Harris, e cila vdiq nga kanceri ovarian në 1991.
Në gusht të vitit 2001 të dy u martuan në Irlandë dhe që atëherë janë bashkë. Ata kanë dy djem, Dylan, 25 vjeç dhe Paris, 21 vjeç.
Pierce herë pas here i referohet martesës dhe dashurisë së tij për gruan e tij. Në një intervistë të mëparshme për Independent, ai tha: “Unë e dua vitalitetin e saj, pasionin e saj. Ka këtë fuqi pa të cilën nuk mund të jetoja. Kur më shikon Kili, dobësohem”.
Një herë tjetër, duke folur për People, ai tha se kalimi i kohës cilësore së bashku është një komponent kyç i një martese të suksesshme.
“Unë dhe gruaja ime bëmë një udhëtim të shkurtër deri në Santa Barbara – shkuam për një fundjavë romantike dhe për të parë shtëpitë dhe për të pirë verë të mrekullueshme”, tha ai në atë kohë, duke shtuar: “Ne nuk po dëgjonim asnjë muzikë, ne po dëgjonin vetëm tingujt e zërit njëri-tjetrin”.
